‫الرئيسية‬ تقارير خالد الصاوى: انا شايف ان التاريخ المصري بيتظلم
تقارير - 10 أبريل، 2021

خالد الصاوى: انا شايف ان التاريخ المصري بيتظلم

تقي احمد

تحدث “خالد الصاوي” أثناءإستضافته فى أحد البرامج على قناه الحياه عن كواليس أدواره والشخصيات التي قدمها، قائلا « أكتر شخصية تقمصتها وكانت بيننا عوامل مشتركة كانت فى: “الفيل الأزرق”، “الحرامى والعبيط”، حتى “عمارة يعقوبيان” كانت فيه حاجات مشتركة مش لازم يكون نفس الموضوع، ولكن مثلا العوامل المشتركة إنى بحب شغلى وبحب الهزار وعندى مساحة لنفسى.»

وأكمل مضيفا « أنا من الناس اللى بتشوف إن المهنة لازم يكون فيها كبار، وأنا مع المثل اللى بيقول “لو ملكش كبير اشتريلك كبير”، ومن الممثلين اللى بتعلم منهم نجيب الريحانى ومحمود المليجى ورشدى أباظة وشكرى سرحان، وبعد كده يحيى الفخرانى ومحمود عبد العزيز، وغيرهم كتير.»

وقال عن إضافة بصمة الهزار « في أدواره في بداية شغلى مكنتش بقدر أعمل إضافة هزار؛ لأن ممكن متكونش مناسبة أو مش دمها خفيف، ولكن مع الوقت بقى بيطلبوا منى أعمل كده، ولكن أنا مش مع إنى أعمل حاجة زيادة عن الشغل، ولكن بصمة الهزار دى لازم لأنى مصري ومعروف إن المصرى دمه خفيف وابن نكتة.»

وافصح عن الأدوار التي يحلم بتجسيدها قائلاً « نفسى أعمل شخصية محمد على، وأنا بحب الحاجات التاريخية، وأنا شايف أن تاريخ مصر بيتظلم ولازم نقدمه بشكل كويس، ونستفيد بأننا في مرحلة حلوة جدا ومرحلة نهضة كويسة، ولازم نستفيد ونعمل أعمال كويسة ومدروسة ونسمع لأصحاب الشأن»

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

‫شاهد أيضًا‬

استكمالا للمتابعة الميدانية.. وكيل وزارة الصحة بالشرقية يتفقد مخزن الإمداد الدوائي بالصيادين بالزقازيق

كتب محمد عصام استكمالا للمتابعة الميدانية المستمرة والمكثفة لمنافذ تقديم الخدمة الطبية بمح…