‫الرئيسية‬ غير مصنف احتفالًا باليوم العالمي للمرأة الشاعرة إيمان أحمد يوسف ترصد نجاحات المصرية في قصيدتها
غير مصنف - 8 مارس، 2021

احتفالًا باليوم العالمي للمرأة الشاعرة إيمان أحمد يوسف ترصد نجاحات المصرية في قصيدتها

انا بنت مصر المحروسة

انا بنت مصرالمعجزة

ايديا اللي صنعت تاريخ العصور

بفكر و ثقافة و تخطيط أمور

بعمري و كفاحي وقلبي الجسور

وعايشة ف بلادي..

بتطويرينادي بنهضة عقول

أنا بنت مصر المعجزة..المنجزة

المبدعة..القاضية..العاملة

العالمة..الواعية..القادرة

الكاتبة..الصابرة..الكادحة..الداعية

الصانعة..الحاضنة..الزارعة..الحاكمة

أنا عبقرية زماني و مكاني

بوعي وحضارة..وقوة بجدارة

أنا رأس مالي بمصر المنارة

دا أنا روحي فيها..

و غيرتي عليها تخليني أثور

أثور ع اللي ينشر ثقافة هزايم

ويعلن مؤامرة

ويقتل ضماير ويشعل حرايق

تضيع الحقايق وتبقي مؤامرة

وأثور ع اللي ساكت وطافي اكتشافه..

بعيون المثابرة ما بين الحواجز

موائد موالد وقضبان ولعبة

وداير يهمش حياتنا في كدبة

وصوت صمت قافل نهار المتابعة

في إعلام مغاير

بموجة مسايرة في دنيا المسابقة

أثور ع اللي طاحن في همه بلادي

ومحمي ف أعادي

بمجاهل عقيمة وتأخرعزيمة

بتطمس معالم تقدم مدينة

أثور ع اللي حول ولادي ف بلادي

إلي فكر مادي ولاغي انتمائهم

وساجن بقائهم في حضرة بكائهم

وضيقهم وداءهم في محور زهقهم

فيرحل ذكاؤهم لفهم المؤامرة

فأرجوكوا عيدوا قراءة حاضركوا

وتاريخكوا ومنطق وجودكوا

ف بلادنا الجديدة

وبلغنا رأيك وأجل في سفرك

وعيد اختبار..اختيارك

وفلسف وجودك لصالح قرارك

وأهلك وناسك إيديهم في إيدك

بفرحة حفيدهم وليدك

وح تقول دي فعلا بلادنا عظيمة

وثروة وقيمة

وأنا بنت مصر..

أنا عبقرية زماني ومكاني

أنا نهر خيره ف نور كل نصر

أنا بنت مصر

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

‫شاهد أيضًا‬

استكمالا للمتابعة الميدانية.. وكيل وزارة الصحة بالشرقية يتفقد مخزن الإمداد الدوائي بالصيادين بالزقازيق

كتب محمد عصام استكمالا للمتابعة الميدانية المستمرة والمكثفة لمنافذ تقديم الخدمة الطبية بمح…